Халықаралық Азаматтық қорғаныс күніне орай азаматтық қорғаудың құлақтандыру жүйесін республикалық тексеру жүргізіледі.
Алматы облысы төтенше жағдайлар департаменті 2022 жылғы 1 наурызда Халықаралық азаматтық қорғаныс күнін мерекелеу аясында азаматтық қорғаудың құлақтандыру жүйесіне республикалық тексеру жүргізілетінін хабарлайды. Тексеру барысында сағат 10:00-де электрдабылдар, дабылды-сөйлеу құрылғылары және дауыс ұлғайтқыш қондырғылар қосылады. Сонымен қатар, Алматы облысының ТЖД сіздерге төтенше жағдайлар туындаған жағдайда электрдабылдардың қосыу кезіндегі тәртіп ережелерін еске салады.
Егер дабыл кезінде үйде болсаңыз:
— радио немесе теледидарды қосыңыз;
— шұғыл хабарламаны тыңдаңыз;
— берілген хабарламаға сәйкес әрекет етіңіз.
Егер дабыл кезінде далада болсаңыз:
— көшедегі дауыс ұлғайтқыштар мен жылжымалы хабарлау құралдары арқылы берілетін шұғыл хабарламаны тыңдаңыз;
— берілген хабарламаға сәйкес әрекет етіңіз.
Барлық іс-шаралар халықтың табиғи және техногендік сипаттағы қандай да бір қауіпті факторлардың туындау қатері, сондай-ақ, дабыл бойынша іс-қимыл тәртіптері туралы хабардар болуын арттыруға бағытталған.
Төтенше жағдай департаментінің баспасөз қызметі
