Алматы облысы полиция департаментінің қызметкерлері қаңтар айының басында орын алған жаппай тәртіпсіздік кезінде «Апорт» сауда-ойын-сауық кешенінен ұялы телефон ұрлаған үш күдіктіні ұстады.
Жедел іздестіру шаралары барысында полицейлер 21 жастағы үш жігітті қолға түсірді. Ұсталғандардың барлығы Алматы облысының тумалары болып шықты.
— Қазіргі уақытта 32 жастағы зардап шегуші 16 ұялы телефон ұрланғанын мәлім етті. Ұсталған тұлғаларға қатысты ҚР Қылмыстық кодексінің 188-бабы, 3-бөлігі бойынша қылмыстық іс жүргізу басталды. Өзге ақпарат тергеу мүддесіне орай жариялануға жатпайды, — деді криминалдық полиция басқармасының бастығы Асхат Данияр.
«ЖЕТІСУ-АҚПАРАТ»
