Талдықорған гарнизоны №54380 әскери бөлімінде «Мәңгілік Ел тұғыры» атты патриоттық іс-шара өткізілді.
Аталмыш шараның негізгі мақсаты — әскери қызметшілердің туған өлкемізге деген сүйіспеншілік сезімдерін ояту. Елін, жерін сүюге, Отанын қастерлеуге, шыншылдыққа тәрбиелеу.
Іс-шара барысында бөлімнің бірқатар әскери қызметшілеріне өлең шумақтары арналып, патриоттық әндер шырқалып, тәуелсіздік жылдарында жеткен жетістіктер туралы бейнежазба көрсетілді.
— Ата-бабаларымыз аңсаған тәуелсіздікке ие болғанымызға 30 жылдан асты. Шынында 30 жыл тарих үшін қас-қағым сәт, алайда Қазақстан осы аралықта Ұлы даланың қайсар ұлдарын қалыптастырып үгерді. Тәуелсіздігіміз мәңгі болсын! – деді №54380 әскери бөлім командирінің орынбасары, подполковник Айбек Бодан.
Талдықорған гарнизонының баспасөз қызметі
Алматы облысы
