Еңбекшіқазақ ауданының Рахат ауылында жоғары сынып оқушылары төбелесті. Аталған жайтқа Алматы облыстық полиция департаменті түсініктеме берді.
«Рахат ауылдық округінде оқушылар арасында жанжал туындаған. Тексеру барысында оқиғаның сабақтан кейін, сағат 13:30-да №1 мектептің 10 және 11-сынып оқушылары арасында болғаны анықталды. Аталған факті бойынша ҚР Қылмыстық кодексінің 293-бабы бойынша сотқа дейінгі тергеу жұмыстары басталды (бұзақылық)», — деді полиция өкілдері.
Тергеу аясында сот-медициналық сараптама тағайындалды. Тергеу барысын полиция басшылығы өз бақылауына алған. Аталған факті бойынша материалдар кәмелетке толмағандардың құқығын қорғау жөніндегі комиссияға жіберіледі.
«ЖЕТІСУ-АҚПАРАТ»
