«Nur Otan» партиясы Алматы облыстық филиалының қызметкерлері ұлттық нақыштағы киімге көшті. Бұл Наурыз мерекесіне орай жасалып отырған игі қадам.
22 наурыз — Ұлыстың ұлы күні — Наурыз мерекесіне орай, Алматы облыстық партия филиалының ұжымы ұлттық нақыштағы киімде жұмыстарына кірісті.
Облыстық партия филиалы төрағасының бірінші орынбасары Г.Тойлыбаева бастамасымен іске асқан шара Наурыз мейрамын тойлауға байланысты іс-шаралардың 10 күндігі аясында өткізіліп отыр. Бұдан бөлек, 14 наурыз — Көрісу күніне орай, ұжым арасындағы мерекелік шара, Ұлттық караоке, сонымен қатар, әлеуметтік аз қамтылғандар, ардагерлер, тыл еңбеккерлері сынды түрлі санаттағы азаматтарымызды мерекемен құттықтау жоспарланған.
Еске сала кетейік, былтырғы Наурызда Алматы облыстық «Жетісу» газетінің ұжымы ұлттық нақыштағы киіммен жүруді бірінші болып бастаған еді.
«ЖЕТІСУ-АҚПАРАТ»
