Алматы әуежайы маңында әскери ұшақ апатқа ұшырады. Оқиға Іле ауданында болған. Бұл туралы «Жетісу» газеті хабарлады.
Жанып жатқан ұшақтың бейнежазбасы әлеуметтік желіде таралды. «Нұр-Сұлтан — Алматы» бағытында ұшып шыққан Ұлттық қауіпсіздік комитеті әуе қызметінің «АН-26» ұшағы апатқа ұшырады. Бірден дабыл қағылды. Оқиға орнына апаттық құтқару жасағы шұғыл аттанды. Алдын ала таралған ақпаратқа сәйкес, борт ұшу-қону жолағының бас жағына құлаған», — делінген Алматы әуежайы таратқан ақпаратта.
Алдын ала мәлімет бойынша, төрт адам қаза тапқан, екеуі зардап шеккен. Жараланғандар Іле аудандық ауруханасына жіберілген.
«ЖЕТІСУ-АҚПАРАТ»
