Алматы облысының төтенше жағдайлар департаменті ауа райына қатысты маңызды ескерту жариялады. Бұл туралы «Жетісу» газеті мәлімдеді.
18-20 ақпан күндері Алматы облысында ауа райы күрт өзгеріп, жаңбыр жауады, кей жерлерде қар түседі. Сондай-ақ, тұман, көктайғақ, бұрқасын боран күтіледі. Оңтүстік-батыстан солтүстік-шығысқа қарай жел соғады. Желдің жылдамдығы 23-28 м/с-қа дейін жетеді. Ал ауа температурасы төмендеп, кей жерлерде 5-10 градусқа дейін аяз болады.
Алматы облысының төтенше жағдайлар департаменті азаматтарды ауа райының өзгеруін бақылауға және сақтық шараларын ұстануға, мүмкіндігінше, алыс жолға шықпауға шақырады.
«ЖЕТІСУ-АҚПАРАТ»
Сурет — ғаламтордан
