Ақсу ауданында жантүршігерлік көлік апаты болды. Жол апатынан 7 адам көз жұмды. Бұл туралы «Жетісу» газеті хабарлады.
Оқиға «Алматы — Өскемен» тасжолының 342-нші шақырымында орын алды. Алматы облыстық полиция департаменті баспасөз қызметінің мәліметінше, көлік апаты 14 ақпан күні болған.
Алдын ала ақпараттарға сүйенсек, «Nissan Qashqai» көлігінің жүргізушісі рөлге ие бола алмай, жолдың шетінде тұрған «Volvo» жүк көлігіне соғылған. «Оқиға салдарынан 7 адам мерт болды. Жеңіл автокөліктіктің жүргізушісі және жолаушысы, жүк көлігінің де жүргізушісі мен бір жолаушысы жан тапсырды. Қайтыс болғандардың кім екені анықталып жатыр. Оқиға орнында Алматы облыстық полициясының және Ақсу ауданы тәртіп сақшылары жұмыс істеді», — делінген ведомствоның мәліметінде. Қазір аталған факт бойынша ҚР Қылмыстық кодексінің 345-бабы бойынша тергеу жүріп жатыр.
«ЖЕТІСУ-АҚПАРАТ»
Сурет — ғаламтордан
