Алматы облысында мектепке барып жүрген және онлайн оқып жатқан 22 оқушы коронавирус жұқтырған. Бұл жайында Алматы облыстық санитарлық-эпидемиологиялық бақылау департаменті басшысының орынбасары Асхат Шарапиев журналистермен болған брифингте айтты.
Брифингте өңірдегі эпидемиялогиялық ахуал қалыпты екені мәлімделді. Апталық өсім — 0,2 пайыз. Соңғы тәулікте облыста 17 адамнан вирус анықталған. «Індет жұқтырған оқушылардың барлығы симптомсыз аурулар. Сондықтан, олар үй карантинінде медициналық бақылауда жатыр. Олармен қарым-қатынастағы адамдардың барлығы зерттелді, жұқтырған жоқ»,- деді Асхат Шарапиев.
Баршаға мәлім, 7 қарашадан бастап Алматы мен Шығыс Қазақстан облыстарының шекарасына санитарлық бекет қойылған.
«ЖЕТІСУ-АҚПАРАТ»
Сурет — ғаламтордан
