«Nur Otan» партиясының Талдықорған қалалық филиалында өңірдегі танымал спортшылардың жастармен кездесуі өтті.
Кездесуге Олимпиада чемпионы, Азияның екі дүркін чемионы әрі спорт шебері Нұрбақыт Теңізбаев және шинкиокушинкай каратэден әлем чемпионы Мерей Сүйінов келіп, спорт саласындағы жетістікке жету жолымен сыр бөлісіп, жастар қойған сұрақтарға жауап берді.
Шара соңында жастар өңірдің танымал спортшыларымен жеке фотоға түсіп, әлеуметтік желілеріне жүктеді.
Жалпы, өңірімізде соңғы дерек негізінде (9 ай бойынша) дене шынықтыру және спортпен айналысу үшін 3592 бірлік спорттық құрылым бар. Олар: 25 стадион, 2 спорт сарайы, 11 спорттық құрылым кешені, 2 құрама командалардың оқу-жаттығу орталығы, 31 спорт кешені (оның ішінде, 9 дене шынықтыру-сауықтыру кешені), 2 шаңғы базасы, 248 атыс тирі, 4 атыс алаңы, 2 яхт-клуб, 1 конькимен жүгіру стадионы, 19 хоккей корты, 2105 жазықтық құрылым, 26 теннис корты, 7 ипподром, 50 бассейн, 879 спорт зал, 178 жалғасып салынған спорт залдар.
«ЖЕТІСУ-АҚПАРАТ»
