Қазақстанда коронавирус індеті алғаш өршіген аласапыран уақытта Денсаулық сақтау министрлігін басқарған Елжан Біртанов қамауға алынып, тергеу жұмыстары басталды. Бұл жайында ҚР Қаржы министрлігінің экономикалық тергеу қызметі мәлімдеді.
«Қазақстан Республикасының Қаржы министрлігі Қаржы мониторингі комитеті экономикалық тергеу қызметі бұрынғы Денсаулық сақтау министрі Елжан Біртановқа қатысты аса ірі көлемде бюджет қаражатын ысырап ету фактісі бойынша қылмыстық істі тергеп жатыр. Сот Елжан Біртановқа қатысты қамауда ұстау бұлтартпау шарасын санкциялады. Тергеу мүддесіне байланысты қосымша ақпарат жарияланбайды», — делінген комитет хабарламасында.
«ЖЕТІСУ-АҚПАРАТ»
Сурет — ғаламтордан
