Алматы облысында бір күннің ішінде тағы 20 адам коронавирус жұқтырды. Бұл жайында Алматы облысы әкімдігі хабарлады.
Вирус жұқтырғандардың 9-ы – Талдықорған қаласынан, 5-уі Көксу, 2-уі Ақсу, 2-уі Талғар және 1-1-ден Қарасай, Іле аудандарынан анықталған.
Барлық науқастарда дене қызуының 38 градусқа дейін көтерілуі, әлсіздік, тамақ ауруы, құрғақ жөтел пайда байқалған. Олар «Жедел жәрдем» қызметкерлерін шақыртып, медициналық көмекке жүгінген. Науқастар жұқпалы аурулар бөліміне жатқызылды. Қазіргі уақытта науқастар оқшауланып, байланыста болған адамдар карантинге алынды. Эпидемиологиялық тергеу жұмыстары жүргізілуде.
Сөйтіп, 13 маусым, таңғы сағат 6:00-дегі жағдай бойынша Алматы облысында коронавирус инфекциясын жұқтырған 490 адам тіркелген. Оның ішінде, 321-і жазылып шыққан.
«ЖЕТІСУ-АҚПАРАТ»
Сурет ғаламтордан алынды
