Қауіпсіздік пен тәртіпті қамтамасыз ету мақсатында құқық қорғау мен жергілікті атқарушы органдар Алматы облыстық полиция департаментімен проблемалық мәселелер бойынша бірлескен іс-шараны қолға алды.
Бүгінде облыста барлығы 348 ойын-сауық мекемесі бар, оның ішінде, 14 түнгі клуб пен 334 кафе-бар, мейрамханалар жұмыс істейді. Әдетте, мекемелердің жұмыс уақыты иелерімен реттеледі.
Алматы облысының 9 мекемесі «қауіпті аймақта» болды. 2018 жылы жасалған сараптамаға сәйкес, қылмыстар негізінен таңға жуық жабылатын мекемелерде орын алатыны анықталды. 2018 жылы ойын-сауық орындарында барлығы 366 қылмыс, оның ішінде, 276 орташа дәрежедегі, 72 жеңіл дәрежедегі, 17 ауыр және 1 аса ауыр қылмыс (Ұйғыр ауданы) орын алған.
Талдықорған қаласында 99 қылмыс, оның ішінде орташа ауырлықтағы 75, жеңіл дәрежедегі 17 және 7 ауыр қылмыс жасалған. Қылмыс ең көп болатын келесі орындар: таңғы сағат 04.00-ге дейін жұмыс істейтін Талдықорған қаласының түнгі клубы — «Статус», ол жерде барлығы 9 қылмыс орын алған, оның ішінде, 2 бұзақылық, 1 атыс қаруын қолдану оқиғасы тіркелген. Талдықорған қаласының тәулік бойы жұмыс жасайтын «Бродвей» кафесінде 11 қылмыс жасалды, олардың барлығы бұзақылық.
Еңбекшіқазақ ауданында 46 қылмыс жасалған, оның ішінде, орташа ауырлықтағы 40, жеңіл 4 және 2 ауыр қылмыстар (Ават ауылында орналасқан «Муравейник» кафесінде күш қолданып, ашық түрде 170 мың теңге ақша тоналған).
Талғар ауданында 44 қылмыс орын алған, оның ішінде, 37 орташа ауырлықтағы, 6 жеңіл дәрежедегі және 1 ауыр қылмыс жасалған (29.09.2018 жылы Талғар қаласы Мұратбаев көшесі 8 үй тұрғыны 20.03.1997 ж.т. азамат Абдухулов Әлихан Бақытұлы Талғар ауданы, Кеңдала ауылында орналасқан «Кәусар» мейрамханасының терезесін бұзу арқылы кіріп, ішінде 2 800 000 теңге көлемінде ақшасы бар сейфті ұрлап кеткен).
Іле ауданы бойынша 43 қылмыс орын алған, оның ішінде, 32 орташа ауырлықта, 10 жеңіл дәрежедегі және 1 ауыр қылмыс (Түнгі сағат 00.10 шамасында Боралдай ауылы Аэродромная көшесінде орналасқан «Астана» кафесінен қуаттандыру столынынң үстінен 158 мың теңге құны бар ұялы телефонын ұрлап кеткен).
Қарасай ауданында 25 қылмыс жасалды, оның ішінде, 19 орташа ауырлықтағы, 4 жеңіл дәрежедегі және 2 ауыр қылмыс, мысалы, Алматы-Астана тас жолында Шамалған ауылында орналасқан «Рыба» кафесінде шамамен сағат 03: 40 шамасында, күш қолдана отырып, 280 мың теңге және екі ойын автоматын тартып алды.
Аудандарға жекелей тоқталып, қылмыс сандарын сөйлетсек, былай болып шығады: Панфилов ауданында 20 қылмыс жасалды, оның ішінде, орташа ауырлық дәрежедегі 17 және 3 жеңіл дәрежелі. Қапшағай қаласында 16 қылмыс жасалды, оның ішінде 9 орташа ауырлықтағы және 7 жеңіл дәрежедегі қылмыс. Жамбыл ауданында 12 қылмыс жасалған, оның ішінде 8 орташа ауырлықтағы, 3 жеңіл дәрежедегі және 1 ауыр қылмыс. Ұйғыр ауданында 5 қылмыс жасалды, оның ішінде 3 орташа ауырлықтағы, 1 ауыр және 1 аса ауыр дәрежедегі.
Облыстың ойын-сауық орындарындағы құқық бұзушылықтардың басым бөлігі ұрлық болып табылады, олар 65,8 пайызды құрайды немесе 366-дан 241-ге тең. Ойын-сауық орындарының аумағында тәртіпті күшейту, төбелес, адам өлтіру және басқа қылмыстардың алдын алу мақсатында кешенді полиция күштері оларға жақындатылды. Сондай-ақ, облыс орталығының «Статус» түнгі клубының жанында тұрақты патрульдік бағыт орнатылды, оның құрамына Жылдам қимылдайтын арнайы жасақ қызметкерлері кірді.
«ЖЕТІСУ-АҚПАРАТ»
