ТҰРҒЫН ҮЙ ТӨЛЕМДЕРІ ЖЕТІ ЕСЕ АРЗАНДАЙДЫ

Мұнда «Е-шаңырақ» интеллектуалдық-ақпараттық жүйесіне қосылған тұрғындар коммуналдық өтемақыны аз мөлшерде төлеп жатыр. Сонымен қатар, құрметті қонақ қаланың оңтүстік-батыс ауданында салынып жатқан 16 қабатты 3 үйдің құрылысын көрді. Сапарда «Нұрлы жер» бағдарламасы арқылы бой көтерген несиелік тұрғын үйді «7-20-25» бағдарламасы арқылы сату жоспарда бар екені айтылды.

Сапар барысында жұмысты қорытындылау үшін облыс әкімінің бірінші орынбасары Лаззат Тұрлашовтың жүргізуімен кеңес өтті. Оған банк филиалдарының директорлары, облыстық басқарма, коммуналдық шаруашылық мекемелерінің басшылары және пәтер иелері кооперативтерінің төрағалары қатысты. Алғашқы сөз тізгінін алған Мархабат Жайымбетұлы:

– Елбасы Нұрсұлтан Назарбаевтың берген тапсырламары мен мемлекеттік бағдарламалардың іске асуын қадағалау үшін өңірлерді аралап жүрміз. Әсіресе, тұрғын-үй коммуналдық шаруашылығын цифрландыруға үлкен мән берудеміз. Қазір Алматы, Астана қаласында қарқынды жұмыс жүріп жатыр. Мысалы, Ақтөбе қаласында бір тұрғын қазан айында жылуға 3 500 теңге төлеген. Енді ақылды есептеуіш құралдар арқылы небәрі 500 теңге төлепті. Ол дегеніміз 7 есеге аз, – дей келе цифрландыру ашықтық пен жариялықты талап етіп, халықтың сенімін нығайтатын айтты. Сонымен қатар, «Нұрлы жер» бағдарламасының маңыздылығына да тоқталды. – Өңірде өте жақсы жұмыс жүріп жатыр. Мен мақтауға келген жоқпын. «Нұрлы жер» бағдарламасы барлық өңірде қарқынды іске асуда. Дегенмен, бұл бағытта үлкен жұмыстар атқаруға болады. Салыстармалы түрде алсақ, Ақтөбе қаласында 18 млрд. теңгеге тұрғын-үй салынуда, Маңғыстау, Атырауда да 10-13 млрд. қаржыға құрылыс жүруде. Біздің комитет бұл жағынан қаржылай көмектесуге әрқашан дайын.

Жиын барысында облыстық құрылыс басқармасының басшысы Болат Тәкенов, энергетика және тұрғын үй-коммуналдық шаруашылық басқармасының басшысы Айдар Беркімбаев «Нұрлы жер», «7-20-25», «2020 жылға дейін өңірлерді дамыту» бағдарламаларының орындалуы туралы баяндама оқыды. Облысымызда тұрғын-үй коммуналдық шарушылығын цифрландыру бойынша бірнеше пилоттық жобалар іске асуда. Талдықорған қаласындағы 9 тұрғын үй «Е-шаңырақ» интеллектуалдық-ақпараттық жүйесіне қосылып, жылу, жарық және судың ортақ есептеуіш құралы орнатылған. Жобаны ары қарай дамытып, барлық тұрғын үйлерді осы жүйеге қосу жоспарлануда. «Е-шаңырақ» интеллектуалдық-ақпараттық жүйесі арқылы тұрғындар қаражаттың қайда жұмсалып жатқандығын біліп, сауалдарын жолдай алады. Жаңа жүйе портал мен мобильдік қосымша арқылы жұмыс істейді.

Облыс бойынша Қарасай, Іле, Талғар аудандарында «7-20-25» бағдарламасы бойынша қолданысқа пәтер беріле бастады. Екінші деңгейлі банктер арқылы өтініштер қабылданып, тексерілуде. Ұлттық Банктің берген ақпаратына сәйкес, 1 млрд. 114 млн. теңгеге 90 өтініш түскен. Оны 60-ы қабылданып, пәтер кілті табысталды. Келесі жылы бұл көрсеткішті 2 мыңнан асыру көзделуде.

Инвестициялар және даму министрлігі Құрылыс және тұрғын үй-коммуналдық шаруашылық істері комитетінің төрағасы Мархабат Жайымбетов жұмыс сапарын қорытындылау барысында өңірде атқарылып жатқан жұмыстарға оң бағасы берді. Келешекте де бірлесе қызмет атқарып, оң нәтижеге қол жеткізуге сенім білдірді.