Аудан әкімі, «Нұр Отан» партиясы Балқаш аудандық филиалының төрағасы Ғалым Тоқпейісов пен орынбасары Бауыржан Дәрібаев арнайы іссапармен «Бақанас магистральды арнасына» Іле өзенінен су бөлінетін бастапқы сағасына барып, сол жердегі атқарылып жатқан жұмыст
Аталған арна Ақдала, Береке ауылдық округтеріне қарасты 15 мың гектар суармалы егіс алқаптарын тіршілік нәрімен қамтамасыз етіп отырған үлкен су жүйесі. Кейінгі жылдары Іле өзеніндегі су деңгейінің төмен болуына байланысты магистральды арнаның алды қайырланып, егіс алқаптарына судың жетуіне қиындық туғызған болатын. Су жүйесінің қалыпты болуын басты назарға алған аудан басшысы облыстық бюджеттен қомақты қаржының бөлінуіне ықпал етті. Осы мақсаттағы жұмыстарды атқару «Қарабұлақ» халықты тұрмыстық заттармен қамтамасыз ететін комбинаттың еншісіне тиген еді. Сапар барысында аталмыш комбинаттың бөлім басшысы Сәкен Рахимов Ғалым Қасымұлына атқарылып жатқан жұмыстарды көрсетті.
Ол өз сөзінде: «Бүгінге дейін арна сағасының 2400 метрі тазаланды. Әлі де атқарылатын жұмыстар аз емес. Қайырланған арна табанын тазалау үшін 7 экскаватор, 2 бульдозер және 2 құм тиегіш техникалар үздіксіз жұмыс атқаруда», – деді.
Аудан әкімі комбинаттың бөлім басшысына жұмыстарды сәуір айының соңына дейін толық аяқтауды тапсырды. Өйткені алда келе жатқан күріш егу науқанында егіс алқаптарына су қажет. Айта кетейік, аграрлы аймақтың басты байлығы егін шаруашылығы болғандықтан егістік алқаптарына сумен қамтамасыз ету үшін көктем мезгілінде су арналарының сағаларына механикалық тазалау жұмыстары жүргізіліп тұрады. Бүгінгі атқарылып жатқан жұмыстар алдағы күннің жемісі болмақ.
Бақтығали ДӘУІТБАЕВ
Балқаш ауданы
