Қант қызылшасын өсіріп, одан мол өнім алу – бүгінгі күннің басты талабы. Осыған байланысты облыстық әкімдіктің үлкен мәжіліс залында облыс әкімі Амандық Баталовтың қатысуымен жиын өтті. Онда аталмыш саладағы өзекті мәселелер қозғалып, оң шешімін табу жолдары қарастырылды.
Жиынға төрағалық еткен Амандық Ғаббасұлы алдымен қант қызылшасын өсіріп, өндіру бағытында жүзеге асырылып жатқан жұмыстар жөнінде жан-жақты әңгімелеп, ойымен бөлісті. Күн тәртібіндегі мәселеге байланысты облыс әкімінің орынбасары Серікжан Бескемпіров пен Көксу, Ақсу қант зауыттарының басшылары сөз сөйлеп, хабарлама жасады.
Тәтті түбір өсірумен айналысып жүрген шаруа қожалықтарының иелері де өз ұсыныс-тілектері мен өздерін мазалап жүрген көкейкесті сұрақтарын ортаға тастап, тұшымды жауаптар алды. Жиын соңында ой қорытқан облыс әкімі салаға жауапты лауазымды тұлғаларға нақты тапсырмалар жүктей отырып, оның орындалу барысының үнемі қадағалауда болатынын айтты.
(Осы мәселеге байланысты кеңейтілген мақаланы газетіміздің келесі санынан оқи аласыздар).
А. Байжұмақызы
