Дүниежүзілік футбол жұлдыздары «Астана Арена» алаңында ойнайды. Бұл туралы «Астана ЭКСПО-2017» ҰК» АҚ Даму және туризм департаментінің директоры Аллен Чайжунусов хабарлады. Ол өз сөзінде осы турнирді ел астанасында алғаш рет орын алатын бірегей іс-шара деп сипаттады.
5-6 тамызда Халықаралық «EXPO – 2017 Football Cup» турнирінде Қазақстан, Ресей, Италия, Германия, Португалия және әлем құрама командалары «Астана арена» алаңында кездеседі. Онда отандық футбол ардагерлері де ойнады. Сонымен қатар, олар халықаралық турнир аясында футбол жанкүйерлерімен кездесу және спорттық мектеп тәрбиеленушілеріне шеберлік сабақ өткізеді. Ұйымдастырушылардың айтуынша, футбол жарысы билетінің құны 2000 теңге болады, алған билет арқылы кешкі уақытта 18.30-дан кейін Халықаралық «ЭКСПО – 2017» көрмесін тамашалауға болады. Аталған сала қазақ футболының дамуына серпін береді деп күтілуде.
Кубадағы жаңармалы энергия көздерінің үлесі шамамен 20% құрайды. Бұл туралы Куба Республикасы Ұлттық күні аясында сөз болды. Шараға Куба Республикасының Сауда Палатасының Президенті Орландо Николас Эрнандес Гильен және ҚР Сыртқы істер министрінің орынбасары Ақылбек Камалдинов және басқа ресми тұлғалар қатысты.
Куба Республикасы Сауда Палатасының Президенті Орландо Николас Эрнендес Гильен өз сөзінде Куба мемлекетінің болашақ ұрпақ үшін тұрақты дамуды қамтамасыз ететін модель негізінде өз экономикасын нығайтуға деген ынтасын атап өтті. Ұлттық күнде «Куба ырғағы» музыкалық шоуы көрсетілді.
Ал Иордания 2020 жылға қарай жаңармалы энергия көздерінен алынатын қуатты 20% арттыруды көздеп отыр. Бұл жайлы Иорданияның Ұлттық күнін тойлау барысында Иордания Хашемит Корольдігінің Қазақстан Республикасындағы Төтенше және өкілетті хатшысы Ахмад Идрис Еннаб мәлімдеді. Ол Иордания энергетика секторын әртараптандыру саласында қыруар жұмыстарды атқарып, энергетикалық тәуелсіздікті арттыру үшін бар күш жұмсап жатқанын айтты.
Иордания энергетика саласына тартылған инвестициялар көлемі бойынша салыстырмалы түрде өз өңірінің көшбасшысы. Мемлекеттің басты энергетика саясаты – мұнайға деген тәуелділікті барынша азайтып, табиғи газды дұрыс пайдалану және энергетика секторында жаңартпалы энергия көздерінің рөлін барынша бекіту. Энергетика саласын әртараптандыру бойынша Иорданияның энергетикалық стратегиясының басты мақсаты – энергетикалық қауіпсіздік пен экологиялық тұрақтылық.
Қазақстан Республикасы Ауылшаруашылығы министрлігінің жауапты хатшысы Ермек Көшербаев Қазақстан мен Иордания барлық салаларда екі ел арасында өзара достастық пен бауырмашылдық қарым-қатынас орнағанын айта кетті. Иорданияның «ЭКСПО – 2017» көрмесіне қатысуы екі елдің өзара тиімді ықпалдастықты ары қарай дамытуға ниетті екенін жеткізді.
Еске сала кетсек, биыл Қазақстан мен Иордания арасындағы екі жақты дипломатиялық қарым-қатынастың орнағанына 24 жыл толып отыр. Екі ел арасында достық қарым-қатынас бұдан ары қарай да нығая түседі.
Қажет АНДАС
