Бұл туралы 7-su.kz ақпараттық порталы BAQ сайтына сілтеме жасап хабарлайды.
Оның сөзінше, заң жобасы жасанды интеллект жүйелерін көмекшілерге, жартылай автономды жүйелерге және толық автономды алгоритмдерге бөледі. Соның нәтижесінде Қазақстан Республикасының аумағында кейбір жүйелерді қолдануға тыйым салынады.
Смышляева жасанды интеллектті пайдаланудың кейбір түрлеріне де тыйым салынатынын айтты.
Мысалы:
1. Адамдардың саналы келісімінсіз мінез-құлқына әсер ететін жасанды интеллектті қолдануға;
2. Адамдардың осалдығын (жасы, мүгедектігі, әлеуметтік жағдайы) әдейі пайдаланатын жасанды интеллектті пайдалануға;
3. Адамдарды әлеуметтік мінез-құлқы немесе сипаттамалары бойынша бағалауға немесе жіктеуге (әлеуметтік скоринг);
4. Адамдардың эмоцияларын олардың келісімінсіз талдау үшін жасанды интеллектті пайдалануға;
5. Заңмен рұқсат етілген жағдайлардан басқа кезде нақты уақыт режимінде қоғамдық орындарда бет-әлпетті тану үшін жасанды интеллектті қолдануға;
6. Заңнамада тыйым салынған жасанды интеллект қызметінің нәтижелерін жасауға және таратуға тыйым салынады.
Осы және басқа да ұсыныстар жаңа технологиялық қоғам жағдайында адам құқықтарын қорғаудың халықаралық стандарттарына сай келеді. Жобаны талқылау біздің елімізде ғана емес, халықаралық қоғамдастықта да үлкен сараптамалық қызығушылық тудырады, — деп санайды Мәжіліс депутаты.
