Шымкент қаласы әкімінің орынбасары Руслан Берденовке жасалған қастандық ісі бойынша негізгі сот отырысы басталды, деп хабарлайды 7-su.kz ақпараттық порталы .
Сот процесі мемлекеттік тілде және ашық форматта өтіп жатыр. Сот отырысына екі мемлекеттік айыптаушы, айыпталушының жұбайы, жәбірленуші тараптың өкілі және тараптардың қорғаушылары қатысты.
Алайда, сот отырысына міндетті түрде қатысуы тиіс болған Руслан Берденов өзі келмеді. Оның өкілі сот барысында әкім орынбасарының қазіргі уақытта ем қабылдап жатқанын мәлімдеді.
Қылмыстық істің мән-жайы мен сот талқылауының келесі кезеңдері бойынша ресми ақпарат қосымша хабарланатын болады.
