Биыл 79766 гектар жерге ауыл шаруашылығы дақылдары егілді. Оның ішінде дәнді дақылдар 35,3 мың, майлы дақылдар 25,6 мың, қант қызылшасы 864 гектарға себілді. Бүгінде 21,6 мың гектар алқаптан 33,8 мың тонна астық жиналып, орташа өнімділік 15,6 центнерден айналған. Егін орағына 21 комбайн мен 45 тасымалдаушы техника жұмылдырылған.
Су үнемдеу технологиялары бойынша ауданда 1650 гектар алқапқа жаңбырлатып және тамшылатып суғару әдісі енгізілген. Бұл тәсілдер өнімділікті арттыруға және су ресурстарын үнемдеуге мүмкіндік беруде.
Жаз шыға жұртты алаңдатқан зиянкестерге қарсы күрес жоспарлы түрде жүргізіліп, жоспарланған алқап шегірткелерден тазартылды. Өңдеу жұмыстары жерүсті бүрку, дрон және авиация арқылы жүргізілді.
Мал шаруашылығы саласында да өсім бар. Өңірде ірі қара 85,6 мың, қой 188,2 мың, жылқы 33,5 мың басқа, құс 65 мыңға жетті. Жемшөп қоры жеткілікті дайындалуда. Қазіргі таңда 257 мың тонна шөп, 15,3 мың тонна пішендеме, 21,5 мың тонна сабан және 7 мың тонна жем дайындалған.
Жер ресурстарын тиімді пайдалану бойынша да ұтымды жұмыстар атқарылуда. Биыл 21 мың гектар ауыл шаруашылығы жері конкурс арқылы пайдалануға берілсе, 5,8 мың гектар жер мемлекет меншігіне қайтарылды.
Ауданда ауыл шаруашылығын дамыту бағытындағы жұмыстар жыл соңына дейін жалғасады.
Қажет АНДАС
