Аудан бойынша 31382,1 гектарға ауылшаруашылығы дақылдарын себу жоспарлануда.
Себілетін барлық дәнді дақыл көлемі 10500 гектарды құрайды. Биыл бидай, арпа және дәндік жүгері себуді қолға алып отыр.
Техникалық дақылдар да жоспар бойынша жүзеге асырылады. Сонымен қатар, ауданда көкөніс, бақша дақылдары, картоп және қант қызылшасы, бұршақ, күнбағыс және мал азығы дақылдары себіледі.
Қазіргі уақытта көктемгі дала жұмыстары қыза түсті. Бүгінгі күнге 5520 гектарға ылғал жабылып, себу алдындағы өңдеу жұмысы орындалып, жер жырту жұмыстары толық жүзеге асты.
Көктемгі дала жұмыстарына 1245 бірлік техника жұмылдырылады. 783 трактор, 182 соқа, 74 сепкіш, 55 қопсытқыш, 151 жер тырмалары дайын. 73 шаруа қожалығынан 430 тонна жанар-жағармайға сұраныс берілді. Қазіргі уақытта «Жетісу Мұнай» ЖШС шаруалардың өтінімдерін толық қанағаттандыруда.
Мол өнім алу үшін минералды тыңайтқыштарды сатып алу жұмыстары жүйелі жүзеге асырылуда. Қолданылатын минералды тыңайтқыштар көлемі 4600 тонна. Биыл 110 шаруа қожалығы 1168,75 тонна минералды тыңайтқыштар сатып алса, 5 шаруа қожалығы 1400 тонна органикалық тыңайтқыштарды қолданады.
Аружан ЖАҚЫП
Көксу ауданы әкімінің баспасөз хатшысы
Фото: baq.kz
