Қазақстанда су шаруашылығы қызметкерлерінің жалақысы көтеріледі. Бұл өзгеріс «Табиғи монополиялар туралы» заңға енгізілген түзетулердің күшіне енуімен жүзеге асып отыр.
Су ресурстары және ирригация министрлігі мен Ұлттық экономика министрлігі заңды іске асыруға арналған нормативтік-құқықтық актілерді тіркеу жұмыстарын жүргізуде. Ресми мәліметке сәйкес, қыркүйектен бастап ел бойынша сумен жабдықтау және су бұру саласында жұмыс істейтін 25 мыңнан астам қызметкердің жалақысы артады. Еңбекақы аймақтарға қарай және статистикалық деректерге сүйене отырып, орта есеппен 35-50%-ға өседі.
Аталған түзетулердің жобасы былтыр дайындалып, биыл маусым айында Мемлекет басшысы заңға қол қойған болатын.
