Ішкі істер министрлігі ата-аналарға балаларды буллингтен қорғау бойынша кеңес берді, – деп хабарлайды 7-su.kz ақпараттық порталы turkystan.kz сайтына сілтеме жасап.
Ведомство егер бала мектепке барудан бас тартса, жиі басы немесе іші ауырады десе, сабаққа және үйірмелерге қызығушылығын жоғалтса, үйге сынған немесе жоғалған заттармен қайтып келсе, тұйықталып, мазасызданса немесе мінез-құлқы күрт өзгерсе – бұл белгілерге ата-аналар ерекше назар аударуы тиіс екенін ескертеді.
Баланы қорғаудың негізгі тәсілдері:
-
Баланы тыңдап, оған сенім арту;
-
Ашық сөйлесу және көңіл-күйін сұрау;
-
Жетістіктерін атап, өзін-өзі бағалауын нығайту;
-
Жеке шекарасын қорғауды үйрету;
-
Ата-ана мен бала арасында сенімді қарым-қатынас орнату;
-
Достық пен құрмет туралы әңгімелесу;
-
Сезімталдыққа тәрбиелеу үшін кітаптар мен фильмдерді бірге талқылау;
-
Агрессивті контенттен қорғап, интернетті бақылау;
-
Отбасында жылы, сыйластық атмосфера қалыптастыру.
Министрлік буллингтің алдын алу оны салдарымен күрескеннен әлдеқайда тиімді екенін атап өтті. Баланың қауіпсіздігі мен психологиялық тұрақтылығы ең алдымен отбасының қолдауына байланысты.
