«Қазгидромет» РМК мәліметінше, 15 өңірде және Астанада қолайсыз ауа райына байланысты дауылды ескерту жарияланды.
Астана
Күннің екінші жартысында найзағай ойнайды.
Абай облысы
Түнде және таңертең солтүстігі мен орталығында тұман түседі. Күндіз оңтүстігінде жел солтүстік-шығыстан соғып, екпіні 15-20 м/с жетеді. Түнде шығысы мен орталығында 2 градусқа дейін үсік жүреді.
Ақмола облысы
Таңертең және күндіз оңтүстігі мен шығысында найзағай ойнайды. Күндіз батысы мен оңтүстігінде шығыс, солтүстік-шығыс желі күшейіп, екпіні 15-20 м/с жетеді. Түнде солтүстік-шығысында топырақ бетінде 1 градусқа дейін үсік жүреді.
Ақтөбе облысы
Солтүстігі мен шығысында күндіз солтүстік-шығыстан соққан желдің екпіні 15-18 м/с жетеді. Батысы мен орталығында жоғары өрт қаупі сақталады, шығысында төтенше өрт қаупі бар.
Атырау облысы
Облыстың басым бөлігінде төтенше өрт қаупі сақталады.
Шығыс Қазақстан облысы
Түнде және таңертең солтүстігі мен шығысында тұман түседі. Түнде осы аумақтарда 2 градусқа дейін үсік жүреді.
Жамбыл облысы
Таулы аудандарда күндіз қатты жаңбыр жауады. Түнде солтүстік пен оңтүстігінде найзағай ойнайды. Күндіз облыстың көп бөлігінде найзағай, бұршақ, дауыл болады. Желдің екпіні 15-20 м/с, кей жерлерде 23 м/с-қа дейін жетеді. Өрт қаупі жоғары.
Жетісу облысы
Таулы аудандарда тұман түседі. Шығысы мен солтүстігінде желдің екпіні 15-20 м/с, күндіз кей жерлерде 23-28 м/с-қа дейін күшейеді. 16-18 қыркүйек аралығында облыста төтенше өрт қаупі сақталады.
Батыс Қазақстан облысы
Шығысында өрт қаупі жоғары, батысы мен оңтүстігінде төтенше өрт қаупі бар.
Қарағанды облысы
Түнде батысы мен оңтүстігінде қатты жаңбыр жауады. Күндіз найзағай ойнайды. Түнде және таңертең солтүстігі мен шығысында тұман түседі. Оңтүстігінде төтенше өрт қаупі сақталады.
Қостанай облысы
Оңтүстігінде найзағай ойнайды. Түнде және таңертең солтүстігінде тұман түседі. Батысы, оңтүстігі мен шығысында желдің екпіні 15-20 м/с жетеді. Оңтүстік-батысында төтенше өрт қаупі бар.
Қызылорда облысы
Түнде солтүстігі мен орталығында найзағай ойнайды. Күндіз осы аумақтарда шаңды дауыл тұрады. Желдің екпіні 15-20 м/с. Облыс бойынша төтенше өрт қаупі сақталады.
Маңғыстау облысы
Түнде және таңертең солтүстік-батысында тұман түседі. Оңтүстік-шығысында өрт қаупі жоғары, солтүстік-батысы мен оңтүстігінде төтенше өрт қаупі бар.
Солтүстік Қазақстан облысы
Түнде және таңертең солтүстігі мен шығысында тұман түседі. Күндіз оңтүстік-батысында желдің екпіні 15-20 м/с жетеді.
Түркістан облысы
Солтүстік, батыс, оңтүстік және таулы аудандарында найзағай ойнап, дауыл тұрады. Желдің екпіні 15-20 м/с жетеді. Облыс бойынша төтенше өрт қаупі сақталады.
Ұлытау облысы
Күндіз батысы, солтүстігі мен шығысында найзағай ойнайды. Оңтүстігінде төтенше өрт қаупі бар.
