Әлемдік және дәстүрлі діндер көшбасшыларының съезінде Президент Қасым-Жомарт Тоқаев форумға қатысқан бір топ тұлғаға мемлекеттік наградалар мен арнайы марапаттарды табыс етті, – деп хабарлайды 7-su.kz ақпараттық порталы.
Мемлекет басшысы діндер арасындағы диалогты дамытуға үлес қосқан шетелдік және отандық қайраткерлерді ІІ дәрежелі «Достық» орденімен, «Шапағат» медалімен, «Астана» халықаралық сыйлығымен, съездің құрмет медалімен және ізгі ниет елшілерінің айрықша белгісімен марапаттады.
Мемлекеттік наградалар:
- ІІ дәрежелі «Достық» ордені – Дүниежүзілік даошылар федерациясының төрағасы (ҚХР) Ли Гуанфу, Somaiya Vidyavihar университетінің президенті (Үндістан) Самир Шантилал Сомайя;
- «Шапағат» медалі – Иран Ислам Республикасының Ислам мәдениеті және байланыстары ұйымының президенті Мухаммад Мехди Иманипур;
- Астана халықаралық сыйлығы – БҰҰ Бас хатшысының орынбасары, БҰҰ Өркениеттер альянсы жөніндегі жоғары өкілі, ислам фобиясымен күрес жөніндегі арнаулы өкіл Мигель Анхель Моратинос.
Съездің құрмет медалі иегерлері:
- Мысыр Араб Республикасының бас мүфтиі Назир Мұхаммед Аяд
- Татарстан Мұсылмандар діни басқармасының төрағасы Камиль Самигуллин
- Тәжікстан Улемдер кеңесінің төрағасы Саидмукаррам Абдукодирзода
- Қасиетті Тақтың Дінаралық диалог дикастериясының префекті Джордж Джейкоб Кувакад
- Минск және Заславль митрополиті, бүкіл Беларусь Патриархының экзархы Вениамин (Виталий Тупеко)
- Израильдің бас ашкеназ раввині Кальман Бер
- Израильдің бас сефард раввині Давид Йосеф
- Бахаи халықаралық қоғамдастығының бас хатшысы Дэвид Рутштейн
- Дүниежүзілік буддашылар бауырластығының президенті Фаллоп Тайари
- Ислам әлемінің білім, ғылым және мәдениет ұйымының бас директоры Салим Мұхаммед әл-Малик
- Халықаралық түркі мәдениеті ұйымының бас хатшысы Сұлтан Раев
- Діни және дәстүрлі бітімгерлер желісінің атқарушы директоры Мұхаммед Эльсаноуси
- Еуразияның еврей қауымын қолдау жөніндегі ұлттық коалицияның атқарушы вице-төрағасы, бас атқарушы директоры Марк Барри Левин
- БҰҰ Өркениеттер альянсының директоры Нихал Саад
- Израильдің бас ашкеназ раввинінің өкілі Шломо Менахем Кук
Ізгі ниет елшілерінің айрықша белгілері:
- Исламабад халықаралық ислам университетінің Исламды зерттеу институтының бас директоры Мұхаммед Зия Уль-Хак
- БАӘ Толеранттылық және бейбіт қатар өмір сүру министрлігінің бас директоры Афра Әл Сабри
- Мартин Лютер Інжіл-Лютеран одағының бас хатшысы Михаэль Хюбнер
- Әлемдік және дәстүрлі діндер көшбасшылары съезінің мақсаттары мен міндеттерін ілгерілету жөніндегі уәкіл Болат Сәрсенбаев
