Қазақстанның бірінші ракеткасы, теннистен ұлттық ерлер құрамасының көшбасшысы Александр Бублик Қытайдың Ханчжоу қаласында өтіп жатқан ATP 250 сериясындағы турнирдің жартылай финалына жолдама алды, – деп хабарлайды 7-su.kz ақпараттық порталы.
Ширек финалда Бублик чехиялық теннисші Далибор Сврчинаны айқын басымдықпен жеңді. Кездесу небәрі екі сетке созылып, қазақстандық спортшы қарсыласын 6:1, 6:1 есебімен ұтты.
Енді жартылай финалда Александр Бублик жергілікті жанкүйерлердің қолдауына ие болатын қытайлық теннисші Ву Ибинге қарсы кортқа шығады.
