Мемлекет басшысы Қасым-Жомарт ТОҚАЕВТЫҢ «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауы еліміздің даму бағытын айқындап берді.
Жолдауда еліміздің әлеуметтік-экономикалық өркендеуі, саяси жүйенің жаңғыруы, ұлттық қауіпсіздік пен халықтың әл-ауқатын арттыруға бағытталған ауқымды міндеттер қойылды.
Мемлекет басшысы ең алдымен цифрландыруға, жасанды интеллектіні енгізуге ерекше назар аударды. Бұл – Қазақстанды алдағы 3 жыл ішінде толыққанды цифрлық мемлекетке айналдыруға жасалған маңызды қадам. Сонымен бірге, өнеркәсіптік-инновациялық даму, өңдеу саласын ілгерілету үшін жаңа жоғары технологиялық кәсіпорындар ашу міндеті қойылды. Қазіргі таңда шекара қызметі барлық жағынан толайым жаңарған. Техника, соңғы үлгідегі құрал-жабдықтар алынып, заманауи кешендер салынды. Жастардың болашақта әскери мамандықты таңдауына осының өзі-ақ жеткілікті. Сонымен қатар, Мемлекет басшысы әрбір азамат мемлекетшіл, отаншыл болуы керектігін баса назарға алды.
– Бүгінде патриотизм деген сөздің сипаты, мазмұны өзгеріп жатыр. Бұрын бұл ұғым негізінен дәстүрлі құндылықтармен өлшенетін, тіл, мәдениет, руханият мәселесі ұлттық мүдденің өзегі ретінде саналатын. Әрине, бұл дұрыс, әрқайсысы ұлт болмысының арқауы. Оны бізден ешкім тартып алмайды, оған алаңдауға еш негіз жоқ, – деді ел Президенті.
Болашақ ұрпақты ұлтжандылыққа тәрбиелеу – баршамыздың басты міндетіміз. Біз шекарашылар сапына алынып, Отан алдындағы борышын ел шебінде атқарып жүрген жас сарбаздарды елжандылыққа тәрбиелеудеміз.
Қорыта айтқанда, Президент, ҚР Қарулы Күштерінің Жоғарғы Бас Қолбасшысы Қасым-Жомарт Кемелұлы еліміздің уақыт талабына сай дамуына жол ашып қана қоймай, әрбір қазақстандықтың болашағына деген сеніміне тың серпін береді.
Р. СЕТВАЛДИЕВ,
ҚР ҰҚК шекара қызметі Жетісу облыстық департаменті
бастығының орынбасары
