11 қазан күні Қазақстанның 14 облысында дауылды ескерту жарияланды, – деп хабарлайды 7-su.kz.
Түнде және таңертең Атырау облысының батысында тұман түседі деп күтіледі. Облыстың оңтүстігінде және шығысында оңтүстік-шығыстан оңтүстік-батысқа ауысқан желдің екпіні 15-20 м/с құрайды. Солтүстігі мен оңтүстігінде төтенше өрт қаупі, солтүстік-шығысы мен батысында жоғары өрт қаупі күтіледі. Атырауда 11 қазанда оңтүстік-шығыстан оңтүстік-батысқа ауысқан желдің түнгі екпіні – 15-18 м/с. Төтенше өрт қаупі сақталады.
Ұлытау облысының шығысында жоғары өрт қаупі, ал оңтүстігінде төтенше өрт қаупі сақталады.
Қызылорда облысында да төтенше өрт қаупі сақталады.
Түнде және таңертең Маңғыстау облысының солтүстігі мен орталығында тұман күтіледі. Күндіз оңтүстігі мен орталығында оңтүстік-шығыстан жел соғып, екпіні – 15-20 м/с болады. Облыста жоғары өрт қаупі сақталады. Ақтауда 11 қазанда жоғары өрт қаупі күтіледі.
Күндіз Ақтөбе облысының батысы, солтүстігі және орталығында оңтүстік-шығыстан, шығыстан жел соғып, екпіні – 15-18 м/с болады. Оңтүстігі мен солтүстігінде жоғары өрт қаупі, батысы мен орталығында төтенше өрт қаупі сақталады. Ақтөбеде 11 қазанда оңтүстік-шығыстан жел соғып, күндізгі екпіні – 15 м/с болады.
Түнде Алматы облысының солтүстігі мен оңтүстігінде сынап бағаны 1-3 градус суықты көрсетіп, үсік жүреді деп күтіледі. Солтүстігінде төтенше өрт қаупі сақталады. Алматыда және Қонаевта 11 қазанда түнде топырақ беті қатып, 1 градус суық болады деп болжанады.
Күндіз Ақмола облысының батысы, солтүстігі және шығысында оңтүстік-шығыстан жел соғып, екпіні – 15-20 м/с болады. Оңтүстік-батысында жоғары өрт қаупі сақталады. Көкшетауда 11 қазанда оңтүстік-шығыстан жел соғып, күндізгі екпіні – 15-20 м/с болады.
Түнде және таңертең Шығыс Қазақстан облысының солтүстігі мен шығысында тұман түседі деп күтіледі.
Түнде және таңертең Батыс Қазақстан облысының батысы мен солтүстігінде тұман болады. Күндіз солтүстігі мен шығысында оңтүстік-шығыстан жел соғып, екпіні – 15-20 м/с. Батысы, солтүстігі және орталығында жоғары өрт қаупі, ал солтүстік-батысы мен оңтүстігінде төтенше өрт қаупі сақталады. Оралда 11 қазанда түнде және таңертең тұман күтіледі.
Түнде және таңертең Абай облысының батысы мен орталығында тұман болады. Оңтүстігінде жоғары өрт қаупі сақталады.
Жамбыл облысында солтүстік-шығыстан жел соғып, күндіз солтүстік-шығысы мен таулы аймақтарында желдің екпіні 15-20 м/с болады. Түнде батысы мен солтүстігінде сынап бағаны 1-3 градус суықты көрсетіп, үсік жүреді деп күтіледі. Батысы мен солтүстігінде төтенше өрт қаупі, орталығында жоғары өрт қаупі сақталады.
Солтүстік Қазақстан облысының шығысы мен оңтүстігінде жаңбыр және қар түріндегі жауын-шашын болып, көктайғақ күтіледі. Түнде және таңертең батысында тұман түседі. Солтүстігі мен шығысында шығыстан жел соғып, екпіні – 15-20 м/с. Петропавлда 11 қазанда желдің екпіні – 15-20 м/с.
Павлодар облысының солтүстігі мен шығысында тұман күтіледі. Батысы, солтүстігі және оңтүстігінде солтүстік-шығыстан жел соғып, екпіні – 15-20 м/с. Павлодарда 11 қазанда күндіз солтүстік-шығыстан соққан желдің екпіні – 15-20 м/с болады.
Қостанай облысының батысы, солтүстігі және шығысында солтүстік-шығыстан жел соғып, екпіні – 15-20 м/с. Оңтүстігінде төтенше өрт қаупі, ал оңтүстік-батысында жоғары өрт қаупі сақталады. Қостанайда 11 қазанда солтүстік-шығыстан жел соғып, күндізгі екпіні – 15-20 м/с болады.
