2025 жылдың қазан айында Талдықорған қаласында жастардың қоғамдық белсенділігін арттыру және олардың құқықтық сауаттылығын дамыту мақсатында «Qosyl Jetisu» жобасы аясында кең ауқымды жастар фестивалі ұйымдастырылды. Шараға жалпы саны 1500 адам қатысты.
Фестиваль шеңберінде жастар арасында есірткіге тәуелділіктің алдын алу, салауатты өмір салтын насихаттау және құқықтық мәдениетті арттыру мақсатында арнайы акция өткізілді.
Шара барысында нарколог маман, Жетісу облыстық ПД Есірткі қылмысына қарсы іс-қимыл басқармасының қызметкері Дастан Маликжанович, сондай-ақ заңгер маман түсіндірме жұмыстарын жүргізді. Қатысушыларға есірткіні қолданудың салдары, денсаулық пен болашаққа қауіпті әсері, сондай-ақ заңдық жауапкершілік туралы жан-жақты мәлімет берілді.
Жалпы, бұл шара фестивальдің маңызды бөлігіне айналып, жастар арасында есірткіге қарсы мәдениетті қалыптастыру мен заңды құрметтеу бағытында тиімді тәжірибе ретінде бағаланды.
