Қазақстан құрамасы Халықаралық футбол федерациясының (FIFA) рейтингінде өз позициясын жақсартты, деп хабарлайды Vesti.kz.
Қазақстан FIFA рейтингінде көтерілді
Football-ranking.com сайтының мәліметінше, Қазақстан үш сатыға көтеріліп, 115-орынға орналасты.
Қазан айында Талғат Байсуфиновтің командасы 2026 жылғы әлем чемпионатының іріктеу турнирі аясында екі матч өткізді.
10 қазанда Қазақстан құрамасы Астанада Лихтенштейнді 4:0 есебімен жеңді, ал үш күннен кейін Солтүстік Македониямен сырт алаңда сенсациялық түрде 1:1 есебімен тең түсті.
FIFA рейтингінің алғашқы ондығында өзгерістер болады. Live-рейтингке сәйкес, Аргентина екінші орынға көтеріліп, Францияны үшінші орынға ығыстырады. Хорватия үздік ондықтан шығып, оның орнын Германия басады.
15 қазандағы live-рейтинг мынадай:
Испания – 1880
Аргентина – 1872
Франция – 1862
Англия – 1824
Португалия – 1778
Бразилия – 1761
Нидерланд – 1759
Бельгия – 1740
Италия – 1717
Германия – 1713
…
Қазақстан – 1168
FIFA-ның ресми рейтингі 23 қазанда жарияланады.
Қазақстан – 2026 жылғы әлем чемпионатынан тыс қалды
Айта кетейік, Қазақстан құрамасы 2026 жылғы әлем чемпионатына шығу мүмкіндігін жоғалтты. Жеті матчтан кейін команда жеті ұпаймен төртінші орында тұр, ал көш бастап тұрған Бельгиядан жеті ұпайға артта. Екінші орынға орналасқан Солтүстік Македониядан алты ұпайға қалып келеді.
Қазақстан құрамасы іріктеу цикліндегі соңғы ойынын 15 қарашада өз алаңында Бельгияға қарсы өткізеді.
