Жетісу облысы полиция департаментінде биылғы жылдың тоғыз айының қорытындысы шығарылды, деп хабарлайды 7-su.kz ақпараттық порталы Polisia.kz сайтына сілтеме жасап хабарлайды.
Жиын барысында құқықтық тәртіпті қамтамасыз ету бағытындағы жұмыстар қорытындыланып, алдағы кезеңге арналған басым міндеттер белгіленді. Негізгі назар полиция қызметінің тиімділігін арттыруға, қоғамдық қауіпсіздікті нығайтуға және тұрғындармен өзара әрекеттестікті жетілдіруге бағытталды.
Есепті кезеңде облыс аумағында қылмыстардың ашылу деңгейі артқан, ал құқықбұзушылықтар саны азайған. Қоғамдық тәртіп пен тұрақтылықты сақтау мақсатында жоспарлы профилактикалық іс-шаралар тұрақты түрде жүргізілуде.
Сонымен қатар ұйымдасқан қылмыс, есірткі айналымы және экологиялық құқықбұзушылықтармен күрес ерекше бақылауда тұр. Бұл бағыттар өңір тұрғындарының қауіпсіздігіне тікелей әсер ететін басым салалар ретінде қарастырылады.
Департамент қызметі Ішкі істер министрі Ержан Сәденовтің нұсқауларына сәйкес және «Заң мен тәртіп» қағидасы аясында жүзеге асырылуда. Бұл қағидат қоғамда қауіпсіз әрі ашық ортаны қалыптастырудың негізгі кепілі саналады.
Жетісу полицейлері киберқылмыстар мен интернет-алаяқтық сияқты заманауи қауіп-қатерлерге қарсы күресте де белсенділік танытуда. Кәсіби дайындықтың жоғары деңгейінің арқасында бірнеше қылмыстық схема әшкереленіп, азаматтарға келтірілуі мүмкін материалдық залалдың алдын алынды.
Полиция департаментінің басшылығының айтуынша, басты мақсат – Жетісу облысы тұрғындарының тыныштығын, қауіпсіздігін және ертеңгі күнге деген сенімін қамтамасыз ету.
