Қазақстан Президенті Қасым-Жомарт Тоқаев АҚШ астанасы Вашингтон қаласына ресми сапармен барды, деп хабарлайды 7-su.kz ақпараттық порталы.
Әуежайда Мемлекет басшысын АҚШ Мемлекеттік хатшысының бірінші орынбасары Кристофер Ландау қарсы алды. Сапар аясында ертең Президент Тоқаев АҚШ Президенті Дональд Трамппен екіжақты келіссөздер жүргізеді және «Орталық Азия – АҚШ» саммитіне қатысады.
Вашингтон әуежайында Мемлекет басшысын АҚШ-та білім алып жүрген қазақ студенттері де жылы қарсы алды. Қасым-Жомарт Тоқаев олармен қысқаша әңгімелесіп, оқуда және өмірде табыс тіледі.
