Облыстық кәсіпкерлер палатасының кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі кеңесінің кезекті отырысы өтті.
Онда жергілікті атқарушы органдар мен коммуналдық мемлекеттік кәсіпорынның қызметіне қатысты мәселелер қаралды. Отырыста «Шүкейт-Ата» шаруашылығының басшысы Мұхтар Ақынов Панфилов ауданындағы жер қатынастары бөліміне Сарытау жайлауындағы 7000 гектар жерді басқа бизнес субъектісіне қайтару мәселесін заңды тұрғыда қарауды сұрады. Ол бұл жердің аудандық жер қорының құрамына қосылуын, жергілікті шаруашылықтардың мүдделері ескерілмей жүргізілгенін атап өтті. Бұл жағдай жергілікті шаруашылықтарға қандай да бір қолайсыздықтар туғызуы мүмкін екенін көрсетіп отыр.
Атап айтқанда, Мұхтар Ақынов бірнеше рет жергілікті атқарушы органдардан Талды ауылдық округінің жайылымынан өз шаруашылығына 263 гектар жер бөлуді сұраған. Алайда, «Шүкейт-Ата» шаруа қожалығы басшысының өтініші қанағаттандырылмай қалған. Осы өтінішке сәйкес облыстық кәсіпкерлер палатасының кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі кеңесі Панфилов ауданының Талды ауылдық округі әкімдігіне округ аумағындағы мал басының саны туралы ақпарат беру туралы ресми сұрау жіберу ұсынылды.
Ал «Талдықорғанкабель» ЖШС заң бөлімінің бастығы Сергей Цой ұсынған мемлекеттік алымның айыппұл ретінде негізсіз есептелуіне наразылық білдірді. ЖШС өкілі түсіндіргендей, 2023 жылдың сәуір айында олардың кәсіпорнына қатысты атқарушылық жазба жасалған. Осыған сәйкес «Талдықорғанжылусервис» ШЖҚ КМК-дан 4 640 922 теңге сомасында берешек ұсталуы тиіс еді. Сонымен қатар, жауапкерден 48 252 теңге көлемінде мемлекеттік баж өндірілуі тиіс болатын. Алайда «Талдықорғанкабель» ЖШС-інің «Талдықорғанжылусервис» ШЖҚ КМК алдындағы қарызы өтелгендіктен атқарушылық жазба жойылған.
Талқылау барысында нотариустың атқарушылық жазуы жойылғаннан кейін «Талдықорғанқабель» ЖШС ұсталуға жатпайтын 48 252 теңге мөлшеріндегі мемлекеттік бажды нақты төлегені белгілі болды. Алайда, «Талдықорғанжылусервис» ШЖҚ КМК бұл соманы (шамалы өсімпұлмен бірге) төлеуді талап ете отырып, берешек ретінде негізсіз қосады.
Бұл талап заңсыз. Өйткені атқарушы жазбасының күші жойылған кезде тараптар бастапқы қалпына келтіріліп, төленген баж төлеушіге қайтарылуы керек. Кеңес «Талдықорғанкабель» ЖШС өтінішінің материалдарын облыстық прокуратураға жіберуді ұсынды. Олардан «Талдықорғанкабель» ЖШС бұзылған құқықтарын қалпына келтіруге көмек көрсетуін және мемлекеттік алымның нотариустың атқарушылық жазбасы жойылғаннан кейін заңсыз ұсталуына қатысты «Талдықорғанжылусервис» ШЖҚ КМК іс-әрекеттеріне құқықтық баға беру сұралды.
А. БАЙЖҰМАҚЫЗЫ
