Қасым-Жомарт Тоқаев АҚШ Президенті Дональд Трамптың Украинадағы жағдайды реттеуге бағытталған күш-жігеріне және ұсынып отырған жоспарына қолдау білдірді, – деп хабарлайды 7-su.kz ақпараттық порталы.
Мемлекет басшысының айтуынша, тараптар аймақтық және халықаралық маңызды мәселелер бойынша пікір алмасып, көптеген түйткілге қатысты ұстанымдарының ұқсас екенін растаған.
«Қазіргі күрделі геосаяси жағдайда АҚШ Президенті Дональд Трамптың Украинадағы ахуалды реттеуге бағытталған күш-жігерін және ұсынып жатқан жоспарын қолдаймын. Сондай-ақ Қазақстан Армения мен Әзербайжанның бейбітшілік жолындағы ортақ ұмтылысын толық қолдайды», – деді Президент.
