Қазақстанда медициналық қызмет көрсету жүйесінде ауқымды бетбұрыс орын алмақ. 2026 жылғы 1 қаңтардан бастап елімізде медициналық көмектің бірыңғай пакеті кезең-кезеңімен енгізіледі, – деп хабарлайды 7-su.kz ақпараттық порталы.
Бұл маңызды қадам 2025 жылғы 14 шілдеде Мемлекет басшысы қол қойған заң аясында іске асырылмақ. Реформаның негізгі өзегі – медициналық көмектің қолжетімділігін арттыру және пациенттер үшін қызмет түрлерін мейлінше ашық әрі түсінікті ету.
Қазіргі уақытта денсаулық сақтау саласында тегін медициналық көмектің кепілдік берілген көлемі (ТМККК) және Мәмілделі әлеуметтік медициналық сақтандыру (МӘМС) пакеттері қатар жұмыс істейді. Алайда бұл екі жүйеде де кейбір қызметтердің бір-бірін қайталауы пациенттер мен медицина қызметкерлері арасында түсінбеушілік тудырып келеді. Жаңа реформа аясында бұл қайталанулар толығымен жойылып, екі пакеттің аражігі нақты ажыратылады. Бұл дегеніміз – әрбір азамат қай қызметтің мемлекет есебінен, ал қайсысының сақтандыру есебінен көрсетілетінін нақты білетін болады.
Сонымен қатар, жаңа ережелер диагностика саласындағы мемлекеттік кепілдіктерді айтарлықтай кеңейтеді. Тұрғындар үшін тегін немесе сақтандыру аясында жүргізілетін зерттеулердің тізбесі ұлғайып, заманауи медициналық технологияларға қолжетімділік артады. Халықты медициналық сақтандырумен қамту деңгейін көтеру арқылы жүйенің қаржылық тұрақтылығы нығайтылып, әрбір пациенттің сапалы ем алуына жағдай жасалады. Бұл реформа тек пакеттерді реттеп қана қоймай, медицина саласындағы әділ ортақ жауапкершілікті қалыптастыруға бағытталған.
