Дәрілік заттар адам денсаулығы мен өмірін сақтауда шешуші рөл атқарады. Сондықтан денсаулық пен қауіпсіздік мәселесінде дәрі-дәрмектің қолжетімділігі мен тұрақтылығы айырықша маңызға ие.
Қазіргі уақытта Қазақстан Республикасының дәрілік заттардың мемлекеттік тізілімінде шамамен 6900 атаудағы препарат тіркелген. Оның ішінде 4994 сауда атауындағы дәрі-дәрмек айналымда бар. Бұл көрсеткіштер Қазақстан Республикасы Денсаулық сақтау министрінің 27 тамыздағы № ҚР ДСМ-94 бұйрығында белгіленген талаптарға сәйкес реттеліп отыр. 1707 рецептсіз босатылатын препарат мемлекеттік бағалық реттеуден шығарылған және оларға шекті мемлекеттік бағалар белгіленбеген. Дәріханаларда дәрілік заттардан бөлек, витаминдік кешендер, биологиялық белсенді қоспалар және дәрілік заттар мен медициналық бұйымдарға жатпайтын өзге де ұқсас тауарлар сатылуы мүмкін. Аталған тауарларға шекті бағалар белгіленбейді. Олардың тізбесі Қазақстан Республикасы Денсаулық сақтау министрінің 2022 жылғы 25 қарашадағы № ҚР ДСМ-141 бұйрықта көрсетілген.
Қазақстан азаматтарының қауіпсіздігін арттыру және кон-трафактілік әрі жалған өнімдермен күресу мақсатында «Naqty Ónіm» мобильді қосымшасы әзірленді. Аталған қосымшада дәрілік заттың қаптамасындағы Data Matrix кодын сканерлеу арқылы дәрілік зат туралы сенімді ақпарат алуға болады. Мұнда өндіруші, қолдану жөніндегі нұсқаулық, аналогтары, қауіпсіздік сертификаттары дәрілік заттың дәріханаға дейінгі қозғалысы жайында толық ақпарат бар.
«Dari.kz» мобильді қосымшасы бар. Онда дәрілік зат туралы ақпаратпен қатар, мемлекет тарапынан реттелетін дәрілік препараттардың шекті бөлшек сауда бағасын көруге болады. Дәрілік заттардың шекті бағасы асып кеткен жағдайда, көрсетілген мобильді қосымшалар арқылы өтініш беруге, «ҚР ДСМ Медициналық және фармацевтикалық бақылау комитетінің Жетісу облысы бойынша департаменті» РММ, Талдықорған қаласы, Гаухар ана көшесі, 87 «А» мекенжайында орналасқан. Жауапты мамандармен 8-7282-24-07-51 телефон нөмірі арқылы байланысуға болады.
ҚР ДСМ Медициналық және фармацевтикалық бақылау комитетінің
Жетісу облысы бойынша департаменті
