Конькимен жарысудан Қазақстанның әйелдер құрамасы Харбинде (Қытай) өтіп жатқан қысқы Азия ойындарының жүлдесінен қағылып қалды.
Бұл туралы 7-su.kz желілік басылымы Vesti.kz сайтына сілтеме жасап хабарлайды.
Жарысқа Қазақстан атынан Надежда Морозова, Мария Деген және Кристина Шүмекова қатысқан болатын.
Жарыс кезінде Морозова құлап, оны аяқтай алмай қалды. Осыдан кейін Қазақстан жарыстан шеттеліп, соңғы орын алды.
Кейін Морозова жарақат алып, оған дәрігерлер көмегі қажет болғаны белгілі болды.
Ал жарыста бірінші орынды Қытай, екінші Жапония және үшінші Оңтүстік Корея алғанын айта кетейік.
Фото: Сали Сабиров
