«Қазгидромет» мәліметінше, 6 ақпанда Қазақстанның басым бөлігінде қолайсыз ауа райы күтіледі. Ел аумағында қар мен жаңбыр жауып, боран, көктайғақ және тұман болуы мүмкін.
Жекелеген өңірлерде желдің екпіні секундына 30 м/с-қа дейін жетсе, жалпы ел бойынша жел жылдамдығы 15-28 м/с аралығында болады. Әсіресе Түркістан, Қызылорда, Қарағанды, Шығыс Қазақстан, Павлодар облыстарында, сондай-ақ Ұлытау мен Жетісу облыстарында ауа райы күрт нашарлайды.
Сондай-ақ кейбір өңірлерде ауа температурасының төмендеуі болжанып отыр. Мәселен, Маңғыстау облысында түнгі уақытта –20°C-қа дейін аяз болуы мүмкін.
Мамандар тұрғындарға жолда және көшеде сақ болуға, ашық ауада ұзақ уақыт жүрмеуге, сапарларды жоспарлау кезінде ауа райының қолайсыздығын ескеруге кеңес береді. Қатты жел мен жауын-шашын көктайғақ пен жаяу боранға себеп болып, әсіресе таулы аймақтар мен асуларда көрінімді айтарлықтай төмендетуі мүмкін.
