ҚР ҰҚК Шекара қызметі Жетісу облысы бойынша департаментінің Панфилов ауданына қарасты «Алмалысу» шекара бөлімшесінде әскери қызметшілерге жағымсыз іс-әрекеттердің алдын алу мақсатында тәрбие сағаты ұйымдастырылды.
Шара барысында қызметшілерге тәртіп сақтау, заң талаптарын орындау және құқық бұзушылықтардың алдын алу мәселелері түсіндірілді. Сонымен қатар, олардың кәсіби біліктілігін арттыру және моральдық-психологиялық дайындықтарын нығайтуға бағытталған практикалық кеңестер ұсынылды.
Бөлімше басшылығы тәрбие сағатының негізгі мақсаты – қызметшілердің құқықтық сауаттылығын күшейту және заң талаптарын сақтауға тәрбиелеу екенін атап өтті.
Амина ТҰРСЫНБЕКОВА
