Сатарбек АДИНОВ
Қырғыз Республикасы:
– Табиғат-Ана қайта жаңғырып, түлейтін, татулықты ту еткен, кешірім мен мейірімнің, ізгілік пен ынтымақтың мерекесін қырғыз жұртшылығы да думандатып өткізеді. Әр жылдан жақсылық пен жаңалық күтетін халқымыз «Нооруз» мерекесін ерекше қарсы алуға тырысады.
Бізде де ұлық мереке дайындық, думанды той күн бұрын басталады. Ең кереметі дәл мереке күні дүниеге келген балаларға көбіне Ноорузбек немесе Ноорузбай есімі беріледі. Наурыз мейрамы алдындағы түні келер жылы жауын-шашын мол болып, жақсы өнім алу үшін түрлі ыдысқа бұлақ суы, сүт, дән құйылады. Сондай-ақ мереке күні үйді ретке келтіріп, қарыз таратады. Бұл – мейірімділік мейрамы болғандықтан ренжіткен адамдарыңнан кешірім сұрайсың. Осы күні ұлттық ойындар ұйымдастырылады.
Ежелден Қырғызстанда наурыздың 20-нан 21-не қараған түні өнген бидайдан (арпа, тары) «сүмөлек» деп аталатын мерекелік дастарқанның негізгі тағамы дайындалады. Оған ұн, өсімдік майы, хош иіс үшін кептірілген жемістер қосылады. «Сүмөлек» тағамы дәрумендерге бай. Ағайын-туыс, дос-жаран, көршілердің жақындығын, сыйластығын арттыру мақсатында тамақты дайындауға бірнеше отбасы жиылады. Тағам дайындалып жатқанда, аулада түні бойы халық әндері, аңыз-әңгімелер, ізгі тілектер де айтылып, би биленеді.
Қырғызстандағы Ноорузды тойлау ат ойындары, садақ ату, сондай-ақ, кок-бору мен эр эниш бойынша командалық жарыстарсыз елестету мүмкін емес. Халық сенімі бойынша, Наурыз мейрамы келгенде, адамдардың ауру-сырқаты мен сәтсіздіктің бәрі алыстап кетеді. Әр отбасында үстелге «Дистракон» – әр түрлі ыдыстар салынған ақ үстел қойылады.
Жер бетінде жақсылық қонатын, Самарқанның көк тасы еритін, татулықты ту еткен мерекеде бір туған қазақ бауырларыма бақ-береке, ынтымақ тілеймін. Екі елдің достығы мәңгілік болсын!
