«Тәрбиесіз берілген білім – адамзаттың хас жауы» деп ұлы ойшыл әл—Фараби бабамыз айтып өткендей, мектеп тек білім беруге арналмаған, сонымен қатар саналы ұрпақ тәрбиесінде де маңызға ие екендігі белгілі.
Адамның жан-жақты дамыған, білімді тұлға, саналы азамат болып қалыптасуы үшін тәрбиенің маңызы зор. Бала бойына тәрбие қалыптастыру, ізгілік дәнін егу, жақсы-жаманды ажыратып, біреуге қиянат жасамауға тәрбиелеу алдымен ата-ананың міндеті десек, екіншіден, мектептің де беретін тәрбиесінің рөлін жоққа шығара алмаймыз. Оқушы тәрбиені тек отбасынан, үйден ғана алмайды, сонымен қатар қоршаған ортасынан, достарымен араласудан, мектепте өтетін іс-шаралардан, ұстаздарынан да алады. Баланың жарты күні мектепте өтетіндіктен, бала тәрбиесінде мектептің атқаратын рөлі де орасан деп айтуға әбден болады Осы мақсатта 2023-2024 оқу жылында барлық білім беру ұйымдарында еліміздің жалпы адамзаттық және ұлттық құндылықтарға негізделген саясаты көрініс тапқан «Біртұтас тәрбие» бағдарламасы енгізіліп, Ұлттық мүдде, Ар-ұят, Талап негізгі үш ұлттық құндылықтарға бағытталған.
Мектептерде оқушылар арасында
«Күй күмбірі», «Жасыл мекен», «Шахмат ойнау», «Асық ату» республикалық челленджері өткізілуде. Мектептерде «Жас сарбаз»,
«Жас волонтер», «Жас эколог», Жас дебатер» секілді балалар мен жасөспірімдер қозғалысы өткізілуде. Жаңа оқу жылында «Менің бауырым» еріктілер қозғалысының бастамасымен «Досболlike» — достық қолыңды соз» акциясы балалар арасында өткізілуде.
«Біртұтас тәрбие» бағдарламасы бойынша әр айда іс-шаралар өткізу, үзілістерде ұлттық ойындар ойнау, тақырыптарында күнделікті іс-шаралар ұйымдастырылады. Бағдарлама аясында балаларды тәрбиелеуде мектеп пен отбасы арасындағы өзара байланысты күшейту, позитивті ата-ана мәдениетін дамыту барысында облыс бойынша облыстағы 305 жалпы білім беру ұйымдарында «Ата-аналарды педагогикалық қолдау», «Медиация» орталықтары ашылды.
«Ата-аналарды педагогикалық қолдау» орталығының жұмысын үйлестіру бойынша
400 педагог-психолог, әлеуметтік педагог, сынып жетекшілері арнайы біліктілікті арттыру курстарынан өтті. Облыстағы білім беру ұйымдарында «Қоғамдағы, отбасындағы, мектептегі зорлық-зомбылық және бейбітшілік қағидаттары» тақырыбында ата-аналарды қолдау орталығының мүшелерімен, пікірталас,
«Отбасы және бала тәрбиесі» тақырыбында
«Ата-аналар мектебі» сабақтары өткізіліп, «әжелер мектебі» «Отбасы- бақыт бесігі» ата-ана өмірінің басты мақсаты бақытты адам тәрбиелеу тақырыбында семинарлар мен танымдық сабақтары өткізілді.
Облыстық аналар кеңесі ата-аналар комитетімен бірлесіп барлық аудан, қалаларда «Баланың жақсы болуы ата-анадан» тақырыбында ата-аналар қауымдастығымен ата-аналар жиналыстары өткізілді.
Жетісу облысының білім басқармасы
Фото: egemen.kz
