2018-2025 жылдар аралығында Ұлттық қорғаныс университетінде жалпы сомасы 1,9 млрд теңгеге 22 ғылыми жоба жүзеге асырылды, – деп хабарлайды 7-su.kz ақпараттық порталы.
Жобалар аясында әскери-техникалық бағыттағы бірқатар әзірлемелер жасалған. Олардың қатарында «Шағала» атты барлау жүргізуге арналған ұшқышсыз ұшу аппараты (дрон), инженерлік әскерлерге арналған жаңартылған минасыздандыру құрылғысы және өзге де техникалық жобалар бар.
Сонымен бірге әскердегі барлау және соққы беру жүйелерін дамытуға бағытталған зерттеулер жүргізіліп, оларды қолдану бойынша практикалық ұсынымдар әзірленген.
Университет ұжымы ғылыми-зерттеу және инновациялық қызметті жүйелі түрде дамытып келеді. Оқу орнында заманауи әзірлемелерді енгізу және білікті әскери мамандарды даярлау бағытындағы жұмыстар жүргізілуде.
Білім ордасының ғылыми әлеуетін 5 ғылым докторы, 24 ғылым кандидаты, 57 философия докторы (PhD) және 1 бейіндік доктор құрайды.
