2024 жылғы қаңтар-желтоқсан айларында өнеркәсіп өндірісінің көлемі қолданыстағы бағамен 347 266,7 млн. теңгені құрады. Бұл 2023 жылғы қаңтар-желтоқсан айларымен салыстырғанда 3,4%-ға көп.
Тау-кен өндіру өнеркәсібінде өндіріс көлемі 1,6%-ға азайды. Өңдеу өнеркәсібі, керісінше, 4,2%-ға өсті. Электр энергиясымен, газбен, бумен, ыстық сумен және кондиционерленген ауамен жабдықтау 0,8%-ға азайды. Сумен жабдықтауда, қалдықтарды жинауда, өңдеуде және жоюда, ластануды жою жөніндегі қызметтер 2,3%-ға төмендеді.
2024 жылғы қаңтар-желтоқсанға ауылшаруашылығы өнімдерінің (қызметтерінің) жалпы шығарылымы 435 229,1 млн. теңгені немесе 2023 жылғы қаңтар-желтоқсанмен салыстырғанда 103,0 %-ды құрады.
2024 жылғы қаңтар-желтоқсанда көліктің барлық түрінің жүк айналымы 11 117 млн. ткм-ді құрады (коммерциялық тасымалдаумен айналысатын жеке кәсіпкерлердің орындаған жүк айналымын бағалау есебімен) немесе 2023 жылдың қаңтар-желтоқсанымен салыстырғанда 78,3%-ды көрсетті. Жолаушы айналымы 589,2 млн. жкм-ді құрады. 2023 жылдың қаңтар-желтоқсанымен салыстырғанда 88%-ды құрады.
Құрылыс жұмыстарының көлемі 377422,5 млн. теңгені немесе 2023 жылғы қаңтар-желтоқсанмен салыстырғанда 151,1%-ды құрады.
2024 жылғы қаңтар-желтоқсан айларында пайдалануға берілген тұрғын үйлердің жалпы алаңы 15,2%-ға өсіп, 371,9 мың шаршы метрді құрады. Олардан көппәтерлі тұрғын үйлер 11,3%-ға (143,6 мың шаршы метр) азайды. Бұл ретте пайдалануға берілген жеке тұрғын үйлердің жалпы алаңы – 44,1%-ға (228,3 мың шаршы метр) ұлғайды.
2024 жылғы қаңтар-желтоқсанда негізгі капиталға салынған инвестиция көлемі 522 343,1 млн. теңгені көрсетуде. Бұл өткен жылдың дәл осы кезеңімен салыстырғанда 143,1%-ды құрады.
Тіркелген заңды тұлғалар саны 2025 жылғы 1 қаңтарға жағдай бойынша 8 322 бірлікті құрап, өткен жылғы сәйкес кезеңдегімен салыстырғанда 1,3%-ға ұлғайды. Оның ішінде 100 адамнан кем қызметкерлері барлар 8 089 бірлік. Жұмыс істеп тұрған заңды тұлғалар саны 6 750 бірлік болса, шағын кәсіпорындар 6 519 бірлікке жетті. Облыста тіркелген шағын және орта кәсіпкерлік кәсіпорындар (заңды тұлғалар) саны 6 266 бірлікті көрсетуде. Өткен жылғы сәйкес кезеңмен салыстырғанда 2,4%-ға артқан.
ҚР СЖРА Ұлттық статистика бюросының Жетісу облысы бойынша департаменті
Фото: shutterstock
