Қазақстанда мерекелік күндер қатары тағы бір жаңа датамен толықты. Үкіметтің 2026 жылғы 15 сәуірдегі қаулысымен мерекелік күндер тізбесіне өзгерістер енгізілді, – деп хабарлайды 7-su.kz ақпараттық порталы.
Құжатқа сәйкес, енді жыл сайын 3 қыркүйекте Қазақ тазысы мен төбеті күні атап өтіледі. Бұл күн ұлттық ит тұқымдарын сақтау, қорғау және кеңінен насихаттау мақсатында енгізіліп отыр.
Қазақы тазы мен төбет – халқымыздың мәдени мұрасының ажырамас бөлігі. Тазы – аңшылықта пайдаланылатын жүйрік әрі төзімді ит ретінде танымал болса, төбет – мал мен үй-жайды қорғайтын, батыл әрі сенімді күзетші ретінде кеңінен белгілі.
Жаңа мереке асыл тұқымды иттерге деген құрметті арттыруға, олардың генетикалық қорын сақтауға, сондай-ақ ұлттық құндылықтарды дәріптеуге бағытталған.
Айта кетейік, аталған қаулы 2026 жылғы 28 сәуірден бастап ресми түрде күшіне енеді.
