Сарқан ауданында көктемгі дала жұмыстарының өзекті кезеңі – қант қызылшасын себу науқаны қарқынды жүріп жатыр, – деп хабарлайды 7-su.kz ақпараттық порталы.
Биыл 49 шаруа қожалығы 2500 гектар алқапқа тәтті түбір егуді жоспарлаған.
Бүгінде 23 шаруашылық іске кірісіп, 800 гектарға жуық жерге тұқым себілді.
Дала төсінде 23 себу техникасы тынымсыз еңбек етуде. Жұмыс барысы белгіленген кестеге сай жүйелі ұйымдастырылған.
Диқан қауымы агротехникалық талаптарды берік ұстанып, әрбір сәтті ұтымды пайдалануға ден қойған.
Науқан алдағы күндері де осы қарқыннан жаңылмай, межелі міндеттер кезең-кезеңімен орындалмақ.
