«AMANAT» партиясы Жетісу облыстық филиалында мәдениет және өнер қызметкерлері күніне арналған салтанатты мерекелік іс-шара өтті. Рухани құндылықтарды дәріптеп, ұлттық мәдениеттің дамуына өлшеусіз үлес қосып жүрген сала мамандарына құрмет көрсету мақсатында ұйымдастырылған жиынға мәдениет және өнер саласының қызметкерлері қатысты.
Іс-шара барысында «AMANAT» партиясы Жетісу облыстық филиалының төрағасы Арыстанғали Арын сөз сөйлеп, мәдениет қызметкерлерінің қоғамдағы орны мен ұлттық құндылықтарды сақтау жолындағы еңбегіне тоқталды.
– «Мәдениет – ұлттың рухани тірегі. Өнер мен мәдениет саласында еңбек етіп жүрген азаматтар елдің рухани дамуына өлшеусіз үлес қосып келеді. Сіздердің қажырлы еңбектеріңіз бен шығармашылық ізденістеріңіз өскелең ұрпаққа өнеге. Сондықтан мәдениет саласының мәртебесін арттыру – баршамызға ортақ міндет», – деді Арыстанғали Арын.
Мерекелік іс-шара аясында мәдениет саласының дамуына қосқан елеулі үлесі, көпжылдық адал еңбегі және кәсіби біліктілігі үшін алық шығармашылығы орталығының басшылары, мәдениет үйлерінің директорлары, тарихи-өлкетану музейінің мамандары, Б. Римова атындағы Талдықорған драма театрының өнерпаздары мен кітапхана саласының қызметкерлері марапатталды.
Салтанатты жиында «AMANAT» партиясының Атқарушы хатшысы Дәулет Кәрібек пен Арыстанғали Арын бірқатар сала мамандарына Алғыс хаттар табыстап, шығармашылық табыс пен толағай жетістіктер тіледі.
Мерекелік кездесу жылы лебіздер мен көтеріңкі көңіл күйге ұласып, мәдениет және өнер саласы өкілдеріне ерекше құрмет көрсетілген тағылымды шараға айналды.
«Жетісу-Ақпарат»
