Жетісу облысында жер сілкінісі болды. Табиғи құбылыс 2026 жылғы 1 маусым күні тіркелді, – деп хабарлайды 7-su.kz ақпараттық порталы.
Қазақстанның Ұлттық деректер орталығының мәліметінше, жер сілкінісі Астана уақыты бойынша сағат 10:56-да Текелі қаласынан оңтүстік-шығысқа қарай 34 шақырым жерде болған.
ҚР Ұлттық деректер орталығы Геофизикалық зерттеулер институты Деректер орталығының жедел ақпаратына сәйкес, жер сілкінісінің эпицентрі солтүстік ендіктің 44,65 градусы мен шығыс бойлықтың 79,10 градусы координаттарында орналасқан.
Мамандардың хабарлауынша, жер сілкінісінің магнитудасы mb=3,8, ал энергетикалық класы K=9,0 болған.
Қазіргі уақытта зардап шеккендер мен қираулар туралы ақпарат түскен жоқ. Тиісті қызметтер жағдайды бақылауда ұстап отыр.
Айта кетейік, Жетісу облысы сейсмикалық белсенді аймақтардың қатарына жатады. Сондықтан мамандар тұрғындарға төтенше жағдайлар кезіндегі қауіпсіздік ережелерін сақтап, ресми ақпарат көздеріне ғана сүйенуге кеңес береді.
