Жаңа жылдық мерекелер кезінде Қазақстанда пиротехникалық заттарды пайдалану салдарынан 63 адам зардап шекті, оның ішінде 20-сы бала. Бұл туралы Stan.kz ақпарат агенттігі хабарлайды.
4 қаңтарда денсаулық сақтау министрлігі хабарлағандай, зардап шеккендердің 12-сі, оның ішінде бес бала ауруханаға жатқызылды. Ал 51 науқас, оның ішінде 15 бала амбулаторлық ем алып жатыр.
Алматыда 19 адам, Жамбыл облысында 11 адам, Қарағанды, Маңғыстау және Қостанай облыстарында, сондай-ақ Шымкентте алты адам жарақат алған. Ақтөбе облысында – екі адам, Ақмола, Қызылорда, Атырау, Шығыс Қазақстан, Батыс Қазақстан, Алматы және Абай облыстарында – бір адамнан зардап шеккен.
Зардап шеккендердің барлығына көз жарақаты, қасаң қабықтың күюі, күйік және қолдың жарақаты диагнозы қойылды. Науқастардың бірі іштің алдыңғы қабырғасының жарақатын алған, жағдайы орташа ауыр.
Денсаулық сақтау министрлігі зардап шеккендерге толық медициналық көмек көрсетіліп жатқанын хабарлады.
Фото: gov.kz
