«Жетісу Медиа» мемлекеттік коммуналдық кәсіпорны ISO 37001:2016 халықаралық стандартына сәйкестігін растады. Сертификат Чехияның CERT INTERNATIONAL s.r.o. сертификаттау органы жүргізген аудит нәтижесінде табысталды.
Бұл сертификат сыбайлас жемқорлыққа қарсы іс-қимыл менеджменті жүйесінің талаптарға сай екенін көрсетеді. Яғни, кәсіпорын өз қызметінде ашықтық пен адалдық принциптерін ұстанатынын дәлелдеді.
Жетісу облысының қоғамдық даму басқармасына қарасты «Жетісу Медиа» кәсіпорны өңірдегі бұқаралық ақпарат құралдарының дамуына және газет шығаруға жауапты. Бұл сертификат медиа саласында сыбайлас жемқорлықтың алдын алу, ашық жұмыс істеу және халықаралық стандарттарға сай қызмет атқару жолында маңызды қадам болып табылады.
ISO 37001:2016 – не үшін маңызды?
Бұл стандарт ұйымдарда сыбайлас жемқорлықтың алдын алу, анықтау және оған қарсы күрес жүргізу бойынша халықаралық талаптарды белгілейді. «Жетісу Медиа» өз қызметінде заң талаптарын қатаң сақтайтынын және сыбайлас жемқорлыққа қарсы тиімді шараларды енгізгенін көрсетті.
Жетісу облысында бұқаралық ақпарат құралдарының дамуы мен тазалығына бағытталған бұл қадам өңірлік медиа саласындағы сенімділікті арттырады.
«Жетісу-Ақпарат»
