Талдықорған қаласының әкімі Ернат Бәзіл қаланың алдағы қысқы маусымға дайындығы бойынша түсіндірді.
Әр жыл сайын, алдағы жылыту маусымына дайындық аясында «Талдықорғанжылусервис» коммуналдық мекемесімен жылу желілерімен жылу көздерінде, қала бойынша ыстық суды өшіру арқылы, профилактикалық жөндеу жұмыстарын жүргізуде.
Ыстық судан ажырату кезінде жүргізілетін жұмыстар:
— «Баскуат» қазандығында диаметрі 700 мм және 600 мм коллекторды ауыстыру;
— Электр қуатын ажырата отырып, «Баскуат» қазандығында трансформаторды қорғауды сынау;
— Желтоқсан көшесі (Пушкин көшесінің қиылысы), Желтоқсан көшесі (Уәлиханов көшесінің қиылысы), Уәлиханов көшесі (Гагарин көшесінің қиылысы) бойындағы Д700 мм жылу магистраліндегі тозған учаскелерді ауыстыру.
Жалпы ыстық судан 773 көп қабатты тұрғын үй, 210 бюджет ұйымдары, 1 285 жеке тұрғын үй, 1322 басқада ұйымдар ажыратылады.
«Талдықорғанжылусервис» өз қаражаты есебінен, ағымдағы жоспарланған 5,3 шақырым жылу желілерінің 4,8 (немесе 90 %) шақырымы аяқталды және «Басқуат» қазандығында 2 су қайнату қазандығының 1-ші қазандағы аяқталып, 2-ші қазандығы аяқталу сатысында (85%).
Бұдан бөлек, Дарабоз ана, Абай, Қабанбай батыр, Балпық би көшелеріндегі жалпы ұзындығы 1,8 шақырым жылу желілерін реконструкциялау жобасы жүзеге асырылуда. Қазіргі уақытта 1,1 шақырым жылу желісі салынды. Жоба мақсаты «Басқуат» қазандығының жүктемесін 10-15 Гкал/сағатына дейін азайту.
Аталған жұмыстар, қыркүйек айының соңына дейін аяқтау жоспарлануда.
